Кеңейтілген іздеу
print

Мамандандырылған ХҚО-да сусындар тарату мен қалаға тегін жеткізу ұйымдастырылды

...

АҚПАРАТТЫҚ ХАБАРЛАМА

 

2019 жылғы 3 шілде                                               Нұр-Сұлтан қ.

 

Мамандандырылған ХҚО-да сусындар тарату мен қалаға тегін жеткізу ұйымдастырылды

 

ҚР ІІМ ақпараттық базасында туындаған техникалық ахауға байланысты еліміздің мамандандырылған халыққа қызмет көрсету орталықтарында көлік иелеріне дер кезінде қызмет көрсетілмеді, салдарынан үлкен кезектер пайда болып, халық наразылығы туындады. Орын алған жағдайды шешу мақсатында «Азаматтарға арналған үкімет» мемлекеттік корпорациясы бірқатар шара қабылдады.

Мәселен, Нұр-Сұлтан, Алматы, Шымкент қалаларындағы ХҚО-да көлік иелерінің құжаттарын қабылдайтын қосымша мамандар тартылды. Бұдан бөлек өзіне-өзі қызмет көрсету – «Connection Point» аймағында қызметтердің онлайн түрде рәсімделуіне көмектесетін кеңесші-мамандар саны көбейтілді, оларды «egov» деген жазуы бар айырықша формасынан танып-білуге болады. Сонымен қатар Нұр-Сұлтан, Алматы, Шымкент қалаларындағы мамандандырылған ХҚО-ға келіп көліктерін қайта тіркеуге қойғандар құжаттарын күтіп, уақыттарын жоғалтпас үшін қала бағытында жүретін арнайы автобустар ұйымдастырылған. Ал құжаттар дайын болған соң, қызмет алушылар міндетті түрде ұялы телефондары арқылы хабардар етіледі. Бүгінде мамандандырылған ХҚО келушілері үшін тегін сусындар беру орны да қарастырылған.

Айта кетейік, 1-2 шілде күндері еліміздің мамандандырылған ХҚО-лары арқылы 9 мың құжат рәсімделіп берілген.

 

В спецЦОНах начали раздавать воду и организовали бесплатный проезд клиентам


Келулердің саны: 235